Poetja e njohur Mimoza Ahmeti ka ndarë një nga momentet më të dhimbshme të jetës së saj gjatë qëndrimit në spektaklin Ferma VIP, duke emocionuar publikun me rrëfimin e sinqertë.
E njohur për energjinë dhe humorin e saj, këtë herë “Moza” u shfaq e brishtë teksa kujtoi humbjen e nënës, e cila ndërroi jetë dy vite më parë në Shtetet e Bashkuara të Amerikës.
Ajo tregoi se nuk mundi t’i jepte lamtumirën e fundit, pasi nuk kishte vizë amerikane dhe kërkesa për një vizë urgjente iu refuzua nga ambasada.
“E mora në telefon dhe u thashë që më ka vdekur mami… Më thanë që kjo nuk hyn te çështjet urgjente, të aplikoj normalisht. Aty e kuptova konceptin”, rrëfeu ajo mes emocionesh.
Historia e saj preku edhe banorët e tjerë të shtëpisë, ndërsa këngëtarja Jonida Maliqi i premtoi se pas përfundimit të formatit do të përpiqen t’i mundësojnë vizën, në mënyrë që ajo të mund të vizitojë vendin ku prehet nëna e saj.