Në disa shkolla në Francë po zbatohet një nismë edukative ku kujdesi për kafshët është integruar në procesin mësimor, me qëllim nxitjen e empatisë dhe vlerave sociale tek nxënësit.
Përmes angazhimit të drejtpërdrejtë në përkujdesjen për kafshë të vogla, fëmijët mësojnë praktikisht përgjegjësinë, mirësinë dhe respektin për jetën. Kjo qasje synon të ndihmojë jo vetëm në zhvillimin emocional, por edhe në forcimin e lidhjes së tyre me natyrën dhe qeniet e tjera.
Ekspertët e arsimit e vlerësojnë këtë metodë si një instrument efektiv për formimin e karakterit, duke kontribuar në rritjen e ndjeshmërisë, bashkëpunimit dhe vetëdijes shoqërore te nxënësit. Iniciativa po shihet si një model që mund të frymëzojë sisteme të tjera arsimore.