KINË-Banorët e zonës së Qarkut Wushan në Kinë janë përballur prej kohësh me një realitet të vështirë. Për të shkuar në punë, për të vizituar familjen ose thjesht për të blerë ushqime, atyre u është dashur të kalojnë një orë duke lundruar nëpër shpate të vështira dhe rrugë të ngushta e dredha-dredha.
Por tani, banorët mund të hyjnë dhe të dalin lehtësisht nga zona, falë shkallës së re lëvizëse Wushan Goddess, e cila raportohet të jetë ashensori më i gjatë urban i këtij lloji.
Shkalla lëvizëse u hap zyrtarisht në Qarkun malor Wushan të Chongqing më 17 shkurt 2026 – mes fenerëve të kuq të gjallë dhe valleve të dragoit të Vitit të Ri Kinez.