Prime-i i radhës në Big Brother VIP Albania u shoqërua me debate të ashpra, ku në qendër të vëmendjes ishin Rogerti dhe Selin.
Gjatë diskutimeve, Rogerti përdori gjuhë të rëndë ndaj banores, duke bërë deklarata që u konsideruan fyese dhe me aludime për jetën e saj personale. Situata u tensionua më tej pas reagimeve të opinionistëve dhe banorëve të tjerë në studio.
Opinionisti Arbër Hajdari theksoi se deklaratat e Rogertit përmbanin aludime që cenonin moralin dhe figurën e Selinit, ndërsa prezantuesi Ledion e cilësoi debatin si të një niveli shumë të ulët dhe me përshkallëzime të papranueshme.
Selin u shpreh se nuk ndjehej më e shokuar nga fjalët e tij, por e shqetësuar që duhej të ndante shtëpinë me një person që përdorte një gjuhë të tillë. Edhe Monika reagoi ashpër, duke e kritikuar për mënyrën e komunikimit.
Pas përplasjes së fortë, Rogerti kërkoi hapjen e derës së kuqe dhe u largua nga shtëpia, duke ndërprerë përfundimisht rrugëtimin e tij në garë.