Brikena ka sqaruar raportin e saj me Mateon, duke theksuar se opinionet e banorëve të tjerë nuk ndikojnë në mënyrën si ajo e përjeton situatën mes tyre.
Ajo u shpreh se e ka paralajmëruar Mateon për perceptimet brenda shtëpisë, por sipas saj, ajo që ka më shumë rëndësi është mënyra si ndihet personalisht. “Unë ia kam shpjeguar Mateos që opinionet e të tjerëve nuk më interesojnë. Më vjen keq kur e ulin Mateon dhe kjo ndonjëherë bëhet e tepërt,” tha ajo.
Brikena pranoi se ka interes për të dhe se ai e bën të ndihet mirë, por shtoi se nuk është e bindur për thellësinë e ndjenjave të tij. “E shoh që ai ka pëlqim për mua. Kam interes për Mateon, më pëlqen si djalë, por nuk shoh që ai ka ndjenja,” u shpreh ajo.
Sipas Brikenës, intuita i thotë se nga ana e Mateos ka vetëm pëlqim dhe jo ndjenja më të forta. Ajo shtoi se qëndrimi i saj më i rezervuar mund të jetë keqkuptuar nga banorët si mungesë interesi, por në realitet ajo ndihet rehat pranë tij.
“Dyshimet dhe ftohtësia ime ndoshta i bëjnë banorët të mendojnë që unë nuk kam interes, por unë kam interes për Mateon, sepse ai më bën të ndihem shumë mirë,” përfundoi Brikena.