Vinicius Zhunior ishte ylli i padiskutueshëm i fitores 4-1 të Real Madridit ndaj Real Sociedad të shtunën. Me mungesën e Kilië Mbapes, anësori brazilian mori përsipër sulmin, duke fituar një penallti dhe duke shënuar dy gola për të vulosur fitoren. Performanca e tij konfirmoi rolin e tij si lideri ofensiv i ekipit, duke marrë lëvdata si nga ana teknike ashtu edhe nga media.
Në një intervistë me Ibai Llanos, në videon “24 orë me Vini Jr”, anësori diskutoi marrëdhënien e tij me Mbape dhe lojtarët e tjerë francezë në skuadër, Kamavinga dhe Mendi: “Ne kalojmë më shumë kohë së bashku sesa me familjet tona. Duhet të kemi një marrëdhënie të mirë. Disa janë të martuar, të tjerë jo… por jemi gjithmonë të afërt. Çdo verë i dërgoja Kilië një mesazh: ‘Kur do të vish?’ Isha agjenti i tij… Dua të luaj me më të mirët për të pasur një shans më të mirë për të fituar.”
Vini gjithashtu mohoi tensionet e supozuara në dhomën e zhveshjes: “Pjesa pozitive është se njerëzit të duan, pjesa negative është shtypi dhe tifozët kundërshtarë.”