SHBA– Aktorja parakaloi në tapetin e kuq të hënën, më 9 shkurt, e veshur me një fustan transparent dhe të qëndisur. Dizajni me mëngë të shkurtra ishte zbukuruar me aplikacione florale në ngjyrë ari dhe thekë delikate, duke krijuar një pamje të ndritshme dhe eterike. Look-u u kompletua me taka të zeza dhe vathë në formë zemre me diamante.
Flokët i kishte të krehura me një ndarje anësore, ndërsa grimi ishte realizuar në tone nude dhe metalike, me hije metalike për sytë, eyeliner të theksuar dhe buzë natyrale, duke vënë në pah tiparet e saj.
Filmi Couture, i cili pati premierën në Festivalin Ndërkombëtar të Filmit në Toronto në muajin nëntor, ndjek historinë e regjisores Maxine Walker (e interpretuar nga Jolie), teksa dokumenton përditshmërinë dhe procesin krijues të një shtëpie franceze të modës së lartë.
Sipas Variety, kjo është hera e parë që një film artistik është xhiruar brenda hapësirave autentike dhe atelieve të Chanel në Paris.
Shtatorin e kaluar, aktorja kishte adoptuar prerjen më të shkurtër të flokëve të viteve të fundit për nevojat e filmit të ardhshëm Anxious People.
