Presidenti i Francës, Emmanuel Macron, ka reaguar për herë të parë në lidhje me skandalin “Epstein”, që lidhet me financierin e ndjerë të akuzuar për abuzime seksuale.
I pyetur të hënën në mëngjes (9 shkurt) në Paris, Macron u shpreh se kjo çështje i përket kryesisht Shteteve të Bashkuara dhe se drejtësia amerikane duhet të ndjekë procedurat e saj. “Drejtësia duhet të bëjë punën e saj dhe fajtorët të dalin para përgjegjësisë”, deklaroi ai.
Kreu i Elizesë theksoi gjithashtu se solidarizohet me viktimat e këtij rasti, duke nënvizuar se shumë prej tyre kanë dëshirë të flasin hapur për atë që kanë përjetuar. “Mendimet e mia janë me viktimat e kësaj çështjeje”, u shpreh Macron.
Në përfundim, presidenti francez tha se i vjen keq për faktin që identitetet dhe fotografitë e viktimave janë bërë publike, duke e konsideruar këtë si një dëm shtesë për to.