TIRANË– Fundi i Gushtit sjell edhe mbylljen e sezonit të pushimeve, ndërsa sezoni i ri televiziv do të sjellë në shtator rikthimin e disa emisioneve dhe moderatoreve më të njohura.
Kujtojmë se Arbana Osmani, Luana Vjollca Kiara Tito Fjoralba Ponari janë ndër emrat që kanë pasur vazhdimisht emisione të rëndësishme në ekranet e televizioneve në vendin tonë, por gjithashtu prej disa muajsh tashmë nuk i kemi parë në ekran.
Janë katër emra që kanë shumë interes për publikun pasi ka shumë kuriozitet se ku do t’i shohim këtë shtator. Ky sezon e solli solli shumë ndryshime për Fjoralba Ponarin e cila për herë të parë provoi që të moderonte e vetme një format të ri televiziv, si ishte “Ferma VIP”.
Pas një karriere të gjatë në Top Channel ajo zgjodhi Vizion Plus për një projekt të ri. Megjithatë është njoftuar se Fjoralba nuk do të jetë moderatorja e “Ferma VIP2”. Ajo vet akoma nuk ka treguar për projektet e sezonit të ardhshëm.
E duan të vegjël e të mëdhenjë, Arbana Osmani tashmë është një emër që identifikohet me Top Channel. Megjithatë pas një pause të gjatë nga ekrani, teksa është marrë me bizneset e saj, moderatorja nuk ka njoftuar ende se ku do të jetë këtë sezon të ri televiziv. E ftuar në “RTV Dukagjini” u shpreh se nuk ka asgjë konkrete.
“Nuk ka absolutisht asgjë konkrete. Në momentin e parë që do ketë një lajm konkret që dua ta ndaj me shikuesit, me kënaqësi do ta ndaj unë e para.”- tha ajo
Pyetjes nëse do e shohim në sezonin e ri televiziv, shtator-tetor, me ndonjë projekt të ri televiziv, ajo iu përgjigj me “Patjetër.
“Mund të jetë ‘Big Brother’, mund të mos jetë ‘Big Brother’. Kjo nuk ka shumë rëndësi. E rëndësishme është që unë do rikthehem në ekran, aty ku shikuesit më duan”.– është shprehur kështu Arbana.
Nga ana tjetër, Kiara Tito, një emër shumë i dashur për publikun që pas lidhjes së saj me Luiz Ejllin, moderatorja ka konfirmuar rikthimin e saj në ekran në sezonin e ri televiziv, këtë shtator. Me disa përgjigje në InstaStory ku ju është përgjigjur ndjekësve të saj, Kiara tha se do të rikthehet në ekran në shtator. Rikthimi i moderatores në ekran vjen pas shtatzënisë dhe ardhjes në jetë të vajzës, Luna Mari. Programi i fundit që Kiara realizoi ndërkohë që ishte në pritjen e ëmbël, ishte “Fan Club – DWTS” në 2023.
Sa i përket Luana Vjollcës, ka qenë një periudhe pushimi të paktën për punën në ekran, pasi prej emisioni të fundit që ajo ka prezantuar “Love Island”, nuk e kemi parë të vijë në një format televiziv.
Mesa duket nuk është një periudhë e mirë për të, pas ndarjes nga i dashuri i saj, Krenar Çoçaj. Këtë vit duket që do të mungojë “Love Island”, duke bërë që moderatorja mos të rikthehet në TV “Klan”. Ndërkohë mësohet se në të njëjtën kohë, Luana është në bisedime për të ndryshuar ekran. Thuhet se do të ketë n jë rikthim të saj në “Top Media”.