Mesfushori shqiptar, Kristjan Asllani, është gati të bëhet pjesë e Beshiktashit, pasi klubi turk ka nisur procedurat për regjistrimin e tij në Federatën Turke të Futbollit.
Asllani udhëtoi në orët e para të mëngjesit drejt Stambollit, ku kreu vizitat mjekësore dhe pozoi me fanellën e ekipit. Megjithatë, për regjistrimin zyrtar mbeten disa procedura burokratike: huazimi nga Torino duhet të ndërpritet dhe më pas Interi duhet të lejojë transferimin tek klubi turk.
Sipas mediave turke, Beshiktash ka përgatitur gjithçka dhe ka lajmëruar se Asllani do të jetë i gatshëm për sezonin e ri, duke u regjistruar sapo të kompletohet dokumentacioni.
Në këtë mënyrë, mesfushori shqiptar mund të debutojë që në ndeshjen e nesërme të Beshiktashit kundër Koniasporit në Stamboll.