KUKËS– Ditën e sotme, e fundit e vitit 2025, bora ka zbardhur fshatrat e zonave të thella të Kukësit.
Mësohet se reshjet e dëborës kanë përfshirë disa fshatra në njësitë administrative si Gryk-Çajë, Kalis, Bicaj, Topojan, Zapod dhe Shishtavec.
Nuk raportohet për probleme me bllokimin e rrugëve në këto zona, pasi trashësia e saj ka qenë e vogël dhe e papërfillshme.
Temperaturat e ulëta kanë ndikuar ndjeshëm në të gjithë qarkun.
Qarku i Kukësit është zgjuar këtë mëngjes i ngrirë, me temperatura që kanë zbritur deri në minus 3 gradë Celsius, ndërsa në zonat e thella malore termometri ka shënuar vlera ekstreme, duke arritur deri në minus 16 gradë Celsius. Këto temperatura kanë shkaktuar akull dhe ngrica në rrugë./Radar.al