Ambasada e Shteteve të Bashkuara në Tiranë ka njoftuar hapjen e një ankandi online, ku do të shiten mobilie dhe pajisje të ndryshme në pronësi të saj. Përmes platformës zyrtare të Departamentit të Shtetit, qytetarët e interesuar mund të aksesojnë listën e artikujve dhe të marrin pjesë në procesin e ofertimit.
Sipas njoftimit, në ankand do të jenë të disponueshme mobilie shtëpiake, pajisje elektroshtëpiake, mobilie zyre dhe artikuj të tjerë të përdorur nga ambasada. Procesi i shitjes është tërësisht online dhe i hapur për publikun.
“U.S. Embassy Tirana shet mobilje dhe pajisje shtëpiake, mobilie për zyra dhe artikuj të tjerë përmes këtij ankandi online”, thuhet në postimin zyrtar të ambasadës në rrjetet sociale.
