Kreu i Grupit Parlamentar të Partisë Socialiste, Taulant Balla, ka shfrytëzuar foltoren e Kuvendit për të thumbuar opozitën dhe kandidatin e pavarur për Bashkinë e Tiranës, Florian Binaj, i mbështetur nga grupimet opozitare.
Balla iu drejtua Belind Këlliçit, duke ironizuar mënyrën se si, sipas tij, opozita po fshihet pas kandidatit të njohur të humorit:
“Ore pse e mbani fshehur këtë kandidatin? Pse takoheni natën? Takohuni mo ditën! Ju vjen natën se ka frikë kandidati, kujton se është në ndonjë rol të ‘Portokallisë’ dhe i kanë thënë: mos dil me regjisorin! Ka ndonjë buf që s’e kupton se regjisori i kandidatit është Saliu?”
Balla vijoi me tone ironike, duke shtuar:
“Nuk e dini ju që ato që thotë Flori i ‘Portokallisë’, ia thotë Sali natën? Kaq turp u ka zënë, sa ju thotë kandidati: ‘Nuk dua të dal me ju se nuk më votojnë’. Ej, zgjidhe këtë punë Belind, se u ke dhënë ca punëve drejtim, por dilni me kandidatin.”