Presidenti amerikan, Donald Trump, ka dhënë falje për themeluesin e Binance, bursës më të madhe të kriptomonedhave në botë, i cili u shpall fajtor për shkelje të ligjeve amerikane lidhur me pastrimin e parave. Ai ishte dënuar më parë me katër muaj burg në prill të vitit 2024.
Hetimet e SHBA-së zbuluan se Binance kishte ndihmuar përdoruesit të shmangnin sanksionet, ndërsa kompania u urdhërua të paguante 4.3 miliardë dollarë. Platforma me seli në Ishujt Kajman mbetet një nga më të njohurat globalisht për blerjen dhe shitjen e kriptomonedhave dhe aseteve dixhitale.
Veprimi i Trump vjen ndërkohë që administrata e tij po promovon një qëndrim më miqësor ndaj kriptovalutave. Presidenti ka deklaruar se synon të bëjë SHBA-në kryeqytetin e kriptomonedhave dhe ka inkurajuar krijimin e një rezervë kombëtare të tyre, duke lehtësuar gjithashtu investimet e amerikanëve me kursime pensioni në këtë sektor.