Ish-deputetja e Partisë Demokratike dhe ish-kryetarja e Komisionit të Shëndetësisë në Kuvend, Zheni Gjergji, është emëruar Drejtoreshë e Spitalit Rajonal të Elbasanit.
Lajmin e bëri të ditur vetë mjekja në Facebook, duke theksuar se vendimi ishte profesional dhe njerëzor, dhe jo një zgjedhje politike e lehtë.
Megjithatë, sipas mediave, familjarë të afërt të zonjës Gjergji në radhët e deputetëve të PS-së mund të kenë ndikuar në këtë emërim. Ndërsa ndarja e posteve rajonale pas zgjedhjeve ka shkaktuar debat, emërimi i Gjergjit duket se ishte i shpejtë dhe pa komplikime.
Drejtuesi politik i PS-së në Elbasan, Arbjan Mazniku, ka preferuar një mjeke demokrate, ndërkohë që dy kandidatë të listës së PS-së, Desantila Tahiraj dhe Florenc Spaho, nuk mundën të marrin pozicionin për t’u punësuar.
Posti i Drejtorit të Spitalit mbeti vakant pasi Agron Gaxho u zgjodh deputet, ndërsa drejtori i Kadastrës në të njëjtin qark, Adi Qose, po ashtu u zgjodh deputet.
Me këtë vendim, ish-deputetja dhe ish-kryetarja e Komisionit të Shëndetësisë, e cila dikur i bëri oponencë ministrave socialistë, ka pranuar të drejtojë një tjetër institucion shëndetësor, tani me firmën e PS-së.