Në një kohë që Stresi (Arkimed Lushaj) është i shpallur në kërkim, ndërsa Noizy është arrestuar mbrëmjen e së martës në Shëngjin dhe pritet të ekstradohet në Kosovë, ka reaguar i ati i Stresit.
Babai i Arkimedit, Sali Lushaj, ka reaguar për ngjarjen e ndodhur më 1 Gusht në Pejë, teksa ka folur në një intervistë për emisionin “Kosova Today” në lidhje telefonike.
“Më ka marrë babai i Medi Isenit në telefon. I përgjigjem. Unë fola me kamerë me të. Një burrë shumë i mirë. Më tha babai i Medit për të kërkuar falje familjarisht. U takova pastaj me Medin në 2 të natës. Kanë qenë duke performuar në Pejë, aty ka pas fansa shumë, për mendimin tim dhe siç më kanë thënë si Noizy dhe Stresi, nuk kanë qenë pjesëmarrës fare. Ata kanë qenë fansat, të Kosovës apo Shqipërisë, nuk e di. Kjo ka ndodhu për arsye të sharjeve, ka tre vjet, nga Medi Iseni dhe një Kllevio, një flliqësirë e tokës. Më ka sharë nënën, babën, vëllezërit e vdekur, ka përdhosur varret e vëllezërve të mi. Këta e kanë bërë për famë si familje, vetëm me fitu lekë me sharje. Këtu duhet prokuroria e Kosovës dhe e Shqipërisë, me lëshu fletë thirrje për këta dy persona.”- ka thënë ai.
Më tej Sali Lushaj ka thënë se Medi dhe Cllevio, i kanë ofenduar për tre vite në TikTok vetëm për të fituar famë e para.
“Medi erdhi në dy të natës. Jemi taku kemi shku në restorant, kemi bërë shumë biseda me të dhe e kemi çu te hoteli me flejt. Unë isha vetëm me Medin, Stresi nuk ishte. E ka pas shumë mik. Për herë të parë në Shqipëri ka taku Stresin, dhe kjo është shumë e habitshme, kanë gjet një mënyrë me TikTokun, janë marr me rrjete sociale vetëm e vetëm që të marrin famë.”- është shprehur Lushaj.