Dy aeroplanë luftarakë rusë kryen një fluturim të ulët mbi platformën e naftës polake Petrobaltic në Detin Baltik, raporton Polskie Radio 24. Incidenti është cilësuar si një situatë e rrezikshme që vë në tension sigurinë në infrastrukturën kritike detare të Polonisë.
Sipas Shërbimit Shtetëror Kufitar, Polonia monitoron vazhdimisht zonat e saj detare, përfshirë edhe ato jashtë ujërave territoriale, ndërsa zëdhënësja e Ministrisë së Brendshme dhe Administratës, Karolina Galecka, bëri me dije se aeroplanët fluturuan në një lartësi prej vetëm 150 metrash.
Ministria e Mbrojtjes Kombëtare e Polonisë konfirmoi se hetimet mbi incidentin po kryhen nga Shërbimi Shtetëror Kufitar, ndërsa nuk janë dhënë detaje të mëtejshme mbi qëllimin apo pasojat e mundshme.
Platforma e naftës Petrobaltic, e cila i përket Grupit Orlen, operon në pjesën polake të Detit Baltik dhe ka rëndësi strategjike për sektorin energjetik të vendit.