Policia e Kukësit ka finalizuar operacionin e koduar “Episodi”, duke vënë në pranga një 47-vjeçar që tentoi të vriste me armë zjarri një person, pas një konflikti për motive të dobëta.
Ngjarja ndodhi më 5 shtator, rreth orës 21:00, në lagjen nr. 5 të qytetit, ku shtetasi F. (U.) D., banues në fshatin Pobreg, qëlloi me armë zjarri drejt shtetasit H. A. Fatmirësisht, nga të shtënat nuk pati të lënduar.
Autori u arrestua për akuzat “Vrasja, mbetur në tentativë” dhe “Mbajtja pa leje e armëve, armëve shpërthyese dhe municionit”.
Në pranga ra edhe nipi i tij, shtetasi S. J., 23 vjeç, pasi dyshohet se ka qenë i pranishëm gjatë ngjarjes dhe nuk e kallëzoi atë në Polici, duke u akuzuar për “Moskallëzim të krimit”.
Dosja i është referuar Prokurorisë së Kukësit për veprime të mëtejshme procedurale.