Një shpërthim i fuqishëm ka tronditur kryeqytetin e Lituanisë, Vilnius, pasi një tren që transportonte gaz të lëngshëm nafte (LPG) mori flakë dhe shpërtheu gjatë procesit të ngarkimit.
Autoritetet urdhëruan evakuimin e menjëhershëm të një zone 1 kilometër përreth stacionit hekurudhor, për të shmangur një katastrofë edhe më të madhe.
Zjarri nisi rreth orës 09:30 të mëngjesit dhe për orë të tëra, mbi 40 zjarrfikës nuk arritën të afrohen te treni, për shkak të temperaturës ekstreme që krijoi shpërthimi.
Sipas autoriteteve, ngarkesa vinte nga një rafineri lituaneze në pronësi të kompanisë polake Orlen, por transporti kryhej nga një operator tjetër. Hetimet paraprake nuk tregojnë shenja sabotimi, megjithatë një hetim i plotë është duke u zhvilluar.
Pak minuta pas shpërthimit, autoritetet ndaluan dhe ridrejtuan një tren pasagjerësh rus që ndodhej vetëm 10 km larg vendit të ngjarjes, për të shmangur rrezikun e një tragjedie të dytë.