HIMARË– “Blutë” e Himarës kanë vënë në pranga këtë të shtunë të 6 Shtatorit një 30-vjeçar për vjedhje.
Bazuar në njoftimin zyrtar të policisë mësohet se i riu në bashkëpunim me një person tjetër ka kryer disa vjedhje në zonën e Borshit.
NJOFTIMI I POLICISË:
Strukturat hetimore të Komisariatit të Policisë Himarë, në kuadër të punës për parandalimin dhe goditjen e krimeve kundër pronës dhe pasurisë, bënë të mundur zbardhjen dhe dokumentimin e disa rasteve të vjedhjeve në Borsh, si rezultat i të cilave u ndalua shtetasi:
- Xh. M., 30 vjeç, banues në Borsh.
Nga hetimet e kryera ka rezultuar se ky shtetas, në bashkëpunim me një tjetër shtetas për të cilin vijon puna për kapjen e tij, ka kryer disa vjedhje në zonën e Borshit, konkretisht:
- Më datë 28.06.2025, ka vjedhur produkte të ndryshme në një market, me vlerë 180 000 lekë;
- Më datë 18.08.2025, ka vjedhur një shumë parash prej 150 000 lekësh dhe sende personale në banesën e një shtetasi;
- Më datë 22.08.2025, ka vjedhur një shumë parash prej 100 000 lekësh dhe disa dokumente në banesën e një shtetasi;
- Më datë 27.08.2025, ka vjedhur një shumë parash prej 130 000 lekësh në banesën e një shtetasi.
Në cilësinë e provës materiale u sekuestrua 1 automjet tip “Volksëagen”, që dyshohet se përdorej për kryerjen e vjedhjeve dhe 1 aparat celular.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprën penale “Vjedhja”./Radar.al