Presidenti i Partisë së Lirisë (PL), Ilir Meta, ka folur për përvojën e tij në qeli dhe për pritshmëritë nga legjislatura e re, në një intervistë për Syri TV.
Meta tha se PL-ja ka kaluar momentet më të vështira, duke përfshirë arrestimin e tij, dhe se me deputetin e zgjedhur Tedi Blushin, kauzat e partisë do të dëgjohen edhe më fort në Kuvend se sa në Këshillin Bashkiak të Tiranës.
Në lidhje me përvojën në burg, Meta e cilëson atë si një mësim i vlefshëm personal. Ai theksoi kënaqësinë e takimeve javore me motrën dhe fëmijët, si dhe rëndësinë e leximit dhe ushtrimeve fizike, duke përmendur librin autobiografik të Nelson Mandelës, Long Walk to Freedom.
Meta shtoi se përvoja e burgut e ka ndihmuar të shohë jetën në realitetin e saj të vërtetë, larg iluzioneve dhe gënjeshtrave të rritjes së tij, dhe e ka fuqizuar për të përballuar betejën kundër korrupsionit dhe regjimeve kleptokratikë.
Ai shprehu optimizëm për të ardhmen dhe siguri se do të vazhdojë të jetë i pranishëm aktivisht në politikë, duke ndjekur parimet e tij historike të drejtësisë dhe transparencës.