BERAT– Kryeministri Edi Rama ditën e sotme gjatë takimit që zhvilloi në Berat me përfaqësues të start up-eve ka bërë parashikimet për të ardhmen.
Shefi i qeverisë tha se së shpejti mund të ketë qeveri dhe ministra nga inteligjenca artificiale.
Ai nuk nguroi të shkëmbente batuta teksa theksoi se një ministri AI nuk do të ketë asnjë kushëri për të futur në punë. Rama vijoj duke shtuar se inteligjenca nuk ka interesa që të prishë proceset.
“Shumë shpejt mund të vijë dita që qeverinë mund ta kesh AI. Shumë shpejt mund të vijë dita që ministin X mund ta kesh Ai. S’ka asnjë kushëri për të futur në punë, s’ka as interesa të asnjë natyre që të prishë proceset. Nuk po them se ky është synimi ynë, megjithëse me shumë kënaqësi do ta merrnim përsipër, por është e pafundme kjo botë.”-tha ai./Radar.al