Kryeministri i Shqipërisë, Edi Rama, ka tërhequr vëmendjen e mediave italiane dhe ndërkombëtare gjatë Konferencës për Rindërtimin e Ukrainës, e mbajtur së fundmi në Romë.
Në pamjet e publikuara në rrjet, Rama shihet duke përshëndetur kryeministren italiane Giorgia Meloni në mënyrë jokonvencionale – duke u ulur në gjunjë përpara saj – një gjest që ai e ka përsëritur edhe në takime të mëparshme publike.
Pas këtij momenti, dy liderët duket se kanë shkëmbyer disa fjalë në një dialog të shkurtër, ndërsa po pozicionoheshin për foton zyrtare. Në video gjithashtu vihet re një moment hutese, kur Rama ngatërroi drejtimin dhe u orientua nga Meloni për të zënë vendin e duhur në skenë.
Ky episod ka ngjallur komente të shumta në mediat dhe rrjetet sociale, ku stili informal dhe shpesh teatror i kryeministrit shqiptar mbetet një temë e debatit të vazhdueshëm.