Zarka dyshohet se ka ndërhyrë në fraksionin dosjes së “Toyota Yaris”, ku ishin përfshirë kushërinjtë Vladi për të lehtësuar pozitat ligjore të tyre. Ndërkohë Radovan Çela ka shërbyer si avokati i kushërinjve Alfred dhe Elvis Vladi pas sekuestrimit të 3.4 milionë eurove që vinin nga Belgjika.
Zarka u arrestua në orët e para të mëngjesit të 29 korrikut 2024 gjatë një operacionit të agjentëve të BKH-së në banesën e tij në Vlorë. Prokurori i çështjes Klodian Braho i kërkoi GJKKO-së aprovimin e katër masave sigurimi personal.
Prokuroria i akuzoi dy kushërinjtë Elvis Vladi, dhe Alfred Vladi, për krijimin e një organizate me qëllim pastrimin e parave me prejardhje kriminale. Por kushërinjtë Vladi nuk u arrestuan nga policia. Në lidhje me këtë ngjarje u dënua vetëm Elvis Vladi nga Gjykata e Tiranës me 1 vit e 6 muaj burg ‘për mosdeklarim parash në kufi’.
4 llogaritë e Zarkës në Sky ECC
Në provat që ka siguruar SPAK për të dorëzuar në GJKKO ku gjithashtu do komunikohet akuza dhe masa e sigurisë ‘arrest me burg’ është vënë në dukje që prokurori ka pasur 4 llogari të aplikacioneve Sky Ecc.
Edhe Eriona Dautaj rezulton të ketë patur përdorim të aplikacioneve të koduara, nga të cilat janë zbardhur bisedat që sipas akuzës provojnë veprën penale të ushtrimit të ndikimit të paligjshëm.