TIRANË– Kanë dalë detaje të reja në lidhje me arrestimin e kreut të Prokurorisë së Vlorës, Aurel Zarka.
Zarka dyshohet se ka pasur në përdorim disa telefona të enkriptuar ‘Sky Ecc’. Nga çkodimi i bisedave në SKY, SPAK ka zbuluar se Zarka ka ndërhyrë në lehtësimin e pozitave për një person të përfshirë në një nga fraksionet e dosjes ‘Toyota Yaris’.
Gjithashtu për të ndihmuar ish-kryeprokurorin e Vlorës ka qenë edhe ish-oficerja Erjona Daupaj.
Ndërkohë në kërkim vijojnë të jenë ish-oficeria Daupaj, avokati Radovan Çela dhe Astrit Vladi.
Vladi është kushëriri i Elvis Vladit i dënuar për 3.4 milionë eurot e gjetura në makinën ‘Toyota Yaris’ në portin e Durrësit. Zarka dyshohet se për këtë fraksion të dosjes, ku ishin përfshirë kushërinjtë Vladi, ka ndërhyrë për të lehtësuar pozitat ligjore të tyre. Zarka akuzohet për veprën penale të “ushtrimit të ndikimit të paligjshëm”.