Së fundmi Prokuroria e Tiranës mësohet se ka çuar për gjykim dosjen ndaj imamit të njohur Ahmed Kalaja.
Ky i fundit akuzohet për veprën penale “Veprime që pengojnë zbulimin e të vërtetës”, kryer në bashkëpunim.
Për rrjedhojë mësohet se një vepër e tillë penale parashikon dënim me gjobë ose deri në tre vite burg.
Kalaja, i cili drejton xhaminë “Dine Hoxha” në rrugën e Kavajës, akuzohet se ka penguar hetuesit gjatë një operacioni të drejtorisë së antiterrorit në vitin 2022, duke refuzuar të dorëzojë pamjet e kamerave të sigurisë të vendosura në ambientet e xhamisë.
Hetimet në fjalë kishin të bënin me persona që dyshohej se shpërndanin fletushka me përmbajtje që nxisnin urrejtjen dhe përçarjen mes besimtarëve.
Pas një kontakti të realizuar nga EuroNews Albania, Kalaja mohoi akuzate ngritura ndaj tij dhe e quajti çështjen një “keqkuptim”. Ndërsa më tej thekson se ka qenë bashkëpunues me autoritetet në çdo hap të procesit.