Elon Musk, themeluesi i SpaceX dhe pronari i platformës X (ish-Twitter), ka prezantuar XChat – një shërbim i ri i mesazheve dhe thirrjeve të koduara, që synon të rivalizojë WhatsApp.
Sipas Forbes, XChat do të nisë të lançohet këtë javë dhe do të përfshijë veçori si:
Zhdukja automatike e mesazheve,
Dërgimi i çdo lloj skedari,
Siguri e avancuar përmes enkriptimit.
Ky zhvillim është pjesë e vizionit të Musk për ta shndërruar platformën X në një “superaplikacion” multifunksional – një “aplikacion për gjithçka”, që përfshin komunikimin, pagesat, rrjetet sociale dhe më shumë.
Musk nuk ka dhënë një datë specifike për lançimin e plotë, por prezantimi i XChat vjen në një moment kur ai po përpiqet të ripozicionojë X si një platformë dominante në botën digjitale.