Pas ndëshkimit për sjellje diskriminuese në sfidën me Andorrën, FIFA ka lehtësuar masat ndaj FSHF-së, duke i dhënë dritën jeshile për rikthimin e pjesshëm të tifozëve në tribunat pas porte për supersfidën ndaj Serbisë më 7 qershor.
Një plan i ri kundër diskriminimit, i hartuar nga FSHF, ka bindur FIFA-n për një qasje më të balancuar:
Tribunat e pezulluara do të mbushen pjesërisht me grupe komunitare dhe organizata kundër diskriminimit, si dhe me tifozë të përzgjedhur të Kombëtares.
Qëllimi është krijimi i një klime të sigurt dhe pozitive, ku mbështetja për Shqipërinë shoqërohet me mesazhe të forta kundër urrejtjes.
Një vendim që lehtëson atmosferën para një ndeshjeje të tensionuar, por edhe një test i madh për vetë publikun shqiptar.