TIRANË– Parashqevi Simaku në vitet e para të jetës së saj në Shtetet e Bashkuara, rrëfen se kanë qenë kujtimet më të bukura. Në një intervistë për Blendi Fevziu në ‘Opinion’, artistja e madhe shqiptare, rrëfen se martesa me Robert Nofle e bëri të mos kishte më aq shumë interes për të arritur në Hollywood.
“S’kam lënë asnjë ditë pa provuar, u martova me Robertin shumë shpejt. Më iku ai interesi… Fillova të shkruaja këngë me Robertin. Në 1997-ën erdha në Shqipëri, këndova në festival.”- tha ajo.
Ndër të tjera Simaku tha se për herë të fundit, në Shqipëri ka shkelur 21 vite më parë, kur babai i saj u nda nga jeta.
“Më ndërroi jetë babai, erdha me Robertin për ta përcjellë në 2004-ën. Babai im më thoshte, mos iu ndaj kismetit të parë. I thashë Robertit kërko dorën time për martesë tek babai im, që të martohemi. Ia kam premtuar babës e nanës i thashë, se jam vajzë e vetme. Babai im tha tani do vdes rehat, se qenka serioz…Se thoshte kam merak se mos të lë në rrugë. Jam martuar me adetet e Kavajës, ndërsa Roberti u ul në gjunjë, më dha unazën e diamantit.”-rrëfeu Parashqevia./Radar.al
“Dramë e madhe”/ Parashqevi Simaku rrëfen daljen e parë në skenë: Po dridhesha…
Aksident në Divjakë/ 18-vjeçari përplas për vd*kje të moshuarin teksa kalonte rrugën
Helmimi i fëmijëve në Gramsh/ Dalin rezultatet e analizave (DOKUMENTI)