SHBA– Të paktën dy anëtarë të stafit të Ambasadës Izraelite në Uashington janë qëlluar për vdekje mbrëmjen e djeshme pranë Muzeut Hebraik të qytetit, ndërsa autori i sulmit u arrestua pak kohë më vonë.
Bëhet me dije se 2 punonjësit e Ambasadës Izraelite, një burrë dhe një grua, u qëlluan rreth orës 21:00 ndërsa po largoheshin nga një aktivitet që po zhvillohej në muze. Sipas NBC News, ishte një çift që kishte ndërmend të fejohej së shpejti në Jerusalem.
Referuar deklaratave të shefit të policisë lokale dhe dëshmive të tjera, autori i krimit, i cili po priste, duke ecur nervozisht jashtë muzeut, iu afrua një grupi prej katër personash që po largoheshin nga vendi i ngjarjes dhe hapi zjarr, duke qëlluar për vdekje çiftin.
Më pas ai u përpoq të hynte në ndërtesë, ku u ndalua nga personeli i sigurisë. Në momentin e arrestimit të tij, 30-vjeçari, i quajtur Elias Rodriguez nga Çikago, po bërtiste “Palestina e lirë”./Radar.al