Nëna e 14-vjeçarit nga Maliqi, i cili ditën e sotme plagosi me thikë një 15-vjeçar, ka dhënë detaje për konfliktet e vazhdueshme mes dy adoleshentëve.
“S’kishte ditë pa debat mes tyre, ai e tallte vazhdimisht djalin tjetër dhe shpesh ziheshin edhe kur dilnin me shokët,” tregoi Çelnike Plaka.
Ajo tha se djali erdhi në shtëpi nga shkolla rreth orës 14:00, por nuk e dinte se po ndodhte përleshja. Policia u përfshi menjëherë pas incidentit dhe kërkoi thikën që ishte përdorur në konflikt.
14-vjeçari i tha policisë se kishte hedhur thikën nga frika, ndërsa me shokët e tjerë të klasës marrëdhëniet i ka normale.
Nëna kërkon që familjet të qetësohen dhe të zgjidhin problemin pa tensione të mëtejshme, pasi “janë fëmijë dhe situata mund të përkeqësohet”.