Këngëtarja shqiptare me famë ndërkombëtare, Dua Lipa, njofton se është gati për festivalin Sunny Hill.
Lipa ka bërë një video në rrjetin social Instagram, ku thotë se kanë ngelur edhe dy ditë deri në Sunny Hill.
Artistja e famshme thotë se mezi po pret që të vijë në vendin e saj, Prishtinë.
“Edhe dy ditë Sunny Hill. Mezi po pres që të kthehem në vendlindjen time, në Prishtinë. Lista e artistëve që do të performojnë është e mrekullueshme, do të jetë shumë argëtuese”, u shpreh ajo.
Autorja e “Service95:Home” theksoi se: “Jam shumë e emocionuar që t’iu shoh sërish”.
Ditën e djeshme (e martë) në Kosovë ka ardhur për herë të parë Bebe Rexha, e cila po ashtu do të performojë në Sunny Hill.
Festivali do të nisë nesër (25 korrik) dhe do të përfundojë të dielën (28 korrik).