Në një deklaratë të bërë ditën e sotme për mediat, kryedemokrati Berisha komentoi vendimin e marrë ndaj tij për të lëvizur lirisht drejt SHBA-së.
Beriusha falenderoi sekretarët amerikanë të shtetit, Marco Rubio dhe presidentin amerikan, Donald Trump.
Mirëpo pyetjes “a i është hequr “non grata”, Sali Berisha, iu përgjigj në mënyrë të vagullt duke thënë se vendimi ndaj tij u konsidurua politik.
Kryetari i PD më tej nuk dha ndonjë sqarim nëse bashkë me të, në këtë vendim të marrë së fundmi, përfshihen dhe familjarët e tij, bashkëshortja dhe fëmijët, të cilët u shpallën bashkë me të “non grata”.
Kur do të udhëtoni drejt SHBA?
Berisha: Unë vendimin e mora vesh mbrëmë, në të njëjtën kohë që e morët vesh dhe ju. Nuk kisha ndonjë plan për udhëtim dhe natyrisht nuk mund të them se do të udhëtoj këto 2-3 ditë sepse janë ditët e kulmit të fushatës. Sigurisht në një kohë më të përshtatshme do kisha shkuar, por ky vendim nuk humbet vlerë, është një vendim jashtëzakonisht i çmuar.
A keni marrë përgjigje nga DASH?
Berisha: Nuk kam marrë asnjë përgjigje nga DASH.
A ju është hequr non grata?
Berisha: Pyetja është se, non grata është konsideruar vendim politik, është dënuar, ky është dënim i atij vendimi. Se është tjetër kur shqyrtohet dhe kjo apo ai qëndrim, por është shpallur; vendime të politizuara të administratës Biden, është paekuivok. Pra është e pashpresë.
A keni aplikuar për vizë?
Berisha: Unë të kërkoj vizë? Jo nuk kam kërkuar vizë. Unë nuk kam kërkuar vizë, pasi kam lënë detyrën e kryeministrit, në mos gabohem, asnjëherë.