Në një takim elektoral në Pogradec, kryeministri Edi Rama u bëri thirrje qytetarëve, përfshirë mbështetësve të Partisë Demokratike, që të mos e çojnë votën dëm më 11 maj. Ai tha se zgjedhja është e qartë: Shqipëria drejt Bashkimit Europian, apo kthimi pas me një “politikan të lashtë dhe të dëshpëruar”.
“Mos votoni thjesht prej zakonit, për të përfunduar në kënetë,” tha Rama, duke e cilësuar votën për opozitën si një kthim në një periudhë të errët. Ai theksoi se vendi është më afër se kurrë BE-së, me një afat trevjeçar për të përmbushur kriteret, dhe se tani është koha për stabilitet dhe mbështetje të reformave.