Deputetja Mesila Doda, i është nënshtruar me sukses një ndërhyrjeje kirurgjikale në QSUT.
Përmes një postimi në rrjetet sociale, Doda shprehu mirënjohjen ndaj stafit mjekësor, duke theksuar se përvoja e saj i riktheu besimin tek mjekësia publike shqiptare.
“Sot, pas një ndërhyrjeje në QSUT, falënderoj nga zemra prof. Arvin Dibrën dhe gjithë ekipin e tij: dr. Drini Shehun, dr. Majlinda Naçon dhe gjithë personelin e mjekëve dhe infermierëve që sot më risollën besimin tek mjekësia publike në Shqipëri. Profesionalizmi, mirësjellja dhe gatishmëria e tyre më bënë të ndihem si në një strukturë europiane. Faleminderit nga zemra!”, shkroi Doda.