Në Belgjikë është shënuar një incident me sfond politik, ku Georges-Louis Boucher, presidenti i partisë franceze të qendrës së djathtë “Lëvizja e Reformës” (MR), u përball me protestues të zemëruar. Ngjarja ndodhi në një qytet në juglindje të Brukselit, ku Boucher kishte mbërritur për të marrë pjesë në një kongres partie.
Sipas raportimeve nga Politico, një grup protestuesish të lidhur me sindikatat socialiste FGTB e pritën atë me britma dhe gjeste të pahijshme. Në momentin që lideri doli nga makina, një prej protestuesve i hodhi një gotë birrë.
Ky veprim reflekton tensionet në rritje midis grupeve sindikale dhe forcave politike të qendrës së djathtë në Belgjikë, në prag të zgjedhjeve dhe debatit të ndezur për politikat ekonomike dhe sociale në vend.
#BeerShower #Bouchez #ColèreSociale (conférence #MR au Centre Sportif de Gembloux) (Détail: GLB filmera à son tour les manifestants) On note qu'il ne s'agissait pas d'une initiative FGTB mais d'un groupe mélangé de militants antifascistes, de syndicalistes, d'anciens Gilets… pic.twitter.com/LA0XOG2I7R
— michel henrion (@michelhenrion) April 23, 2025
“Kisha rënë dakord, siç bëj gjithmonë, të diskutoja reformat me sindikalistët socialistë përpara fillimit të konferencës sonë”, shkroi Bouchet në rrjetet sociale pas incidentit.
Më tej ai përshkruan incidentin duke thënë “Kur mbërrita, një nga anëtarët e tyre më hodhi një gotë birrë. Policia duhej të ndërhynte”. Ai argumentoi se edhe pse mund të kishte kërkuar mbrojtje nga policia, ai vendosi të qëndronte dhe të përballej me protestuesit për të treguar se ata nuk po e frikësonin.
Sipas anëtarëve të sindikatave, Bouchet sfidoi protestuesit që kishin dalë jashtë konferencës së partisë për të folur me të.