Erion Veliaj ka reaguar pas tensionit të krijuar ditës e sotme në mbledhjen e Këshillit Bashkiak të Tiranës.
Kryebashkiaku u shpreh se Këshilli kishte për të votuar disa nisma ditën e sotme, por sipas Veliajt: “Ilir Meta dhe rrugaçi i fundit që i ka mbetur nuk përballojnë dot suksesin e Tiranës dhe humbjen e partiçkës së tyre”.
Duke iu referuar veprimit të Tedi Blushit, këshilltar i PL-së, Veliaj u shpreh se do të kërkojë zbatimin e ligjit me përpikmëri që “rrugaçëria të marrë përgjigjen që meriton”.
Reagimi i plotë:
Sot Këshilli Bashkiak kishte për të votuar hapjen e 2 çerdheve të reja, abone falas për studentët, miratimin e shkollës Ecole 42 për të rinjtë, zonën e lirë ekonomike TEDA për 5 mijë vende pune të reja dhe grantin e Katarit për sheshin fundor tek Bulevardi i Ri.
Por Ilir Meta dhe rrugaçi i fundit që i ka mbetur, nuk e përballojnë dot as suksesin e Tiranes dhe as humbjen kolosale të patiçkës se tyre. Sjellja për vandali ndaj kolegëve këshilltarë, është shenjë dëshpërimi, jo forcë.
Do të kërkoj zbatimin e ligjit me përpikmëri që rrugaçëria të marrë përgjigjen që meriton, dhe Tirana të mos mbetet peng i maktheve të Ilir Metës e mjeranëve të tij.