Në oborrin e shtëpisë së Big Brother VIP Albania, Gjesti dhe Egli po kalonin momente të afërta, kur Egli vendosi të bëjë një gjest romantik dhe pak shaka, ajo shkroi në krahun e Gjestit një mesazh që thoshte: “This boy is married, sorry ladies” (Më vjen keq goca, ky djalë është i martuar).
Ky veprim erdhi pas një surprize të madhe që ndodhi më herët gjatë ditës, kur Gjesti hapi një zarf të dërguar nga “Vëllai i Madh”. Mesazhi brenda zarfit la të gjithë banorët të habitur.
“Finalistë, Vëllai i Madh ka marrë në konsideratë kërkesën e Gjestit për të organizuar për herë të fundit këtë sezon, dasmën tradicionale të Big Brother. Sonte ka festë me të ftuar shumë specialë. Vëllai i Madh do të kujdeset për çdo detaj.”
Kështu, një dasmë tjetër është në përgatitje brenda shtëpisë më të famshme në Shqipëri — e dyta për këtë sezon, pas asaj mes Jozit dhe Loredanës. Publiku pritet të jetë dëshmitar i një tjetër momenti festiv, plot surpriza dhe emocione.