Në një intervistë për “Ftesë në 5”, bashkëshortja e Kelly-t ka rrëfyer për herë të parë gjithë kalvarin e vuajtjeve në luftë me kancerin e gjirit.
Enisa Allmuça rrëfeu se si një kontroll rutinë e sinjalizoi atë se ishte prekur nga një tumor agresiv.
Këtë ajo e cilësoi si një moment si tejet të vështirë dhe se në momentin që mori lajmin telefonoi menjëherë Kelly-n sepse nuk mund t’i jepte makinës.
“M’u thërrmua çdo gjë. Lufta me kancerin është shumë e vështirë. Ka ditë që nuk bën dot gjërat që do doje, sepse trupi nuk të bindet. Ka dhe ditë që mendon që po e humbet betejën, por Kelly ka qenë forca ime më e madhe dhe djali”, u shpreh ajo.
Më tej Enisa tregoi se tashmë ka hequr të gjithë gjirin. Momenti i parë kur u zgjua pas ndërhyrjes ajo shprehet se ka qenë një shok emocional për të.