Një aksident i rëndë ka ndodhur mbrëmjen e sotme në vendin e quajtur “Ura e Beratit”. Një mjet tip “BMW”, ka dalë nga rruga dhe ka përfunduar në kanal. Në vendngjarje kanë mbërritur forcat e policisë dhe zjarrfikëset.
Kanë qenë efektivët zjarrfikës ata që kanë bërë të mundur nxjerrjen shëndoshë e mirë nga mjeti të drejtuesit te automjetit, shtetasit Adnand Çala, banues në fshatin Duhanas.
Burimet policore në vendngjarje bëjnë me dije se shkak për aksidentin dhe daljen e mjetit nga rruga është bërë lagështira në rrugë dhe mungesa e ndriçimit në këtë aks rrugor.