Federata Shqiptare e Futbollit do të organizojë të premten e 7 marsit hedhjen e shortit për fazën gjysmëfinale të Kupës së Shqipërisë 2024-2025.
Shorti do të zhvillohet në orën 11:00 në ambientet e “Shtëpisë së Futbollit”.
Federata njofton se shorti do të jetë i hapur për mediat si edhe përfaqësuesit e katër klubeve të kualifikuar deri në këtë fazë e më konkretisht Partizani, Vllaznia, Egnatia dhe Dinamo City.
Nga shorti do të përcaktohen dy çiftet gjysmëfinaliste.
Ndeshjet e para të fazës gjysmëfinale do të luhen më datë 31 mars. Ndërsa sfidat e dyta ku do të përcaktohen edhe dy ekipet që do të shkojnë në finalen e madhe të Kupës së Shqipërisë, do të zhvillohen më datë 24 prill.