Xhaxhai i 20-vjeçarit, Pavlin Preka që u vra mesditën e sotme me armë zjarri në oborrin e banesës së tij, në fshatin Guci e Re në Shkodër ka dhënë një intervistë për mediat.
Prekë Preka shprehet se nuk e di arsyen se pse nipi i tij u vra, ndërsa thotë se Pavlini nuk ka patur probleme me njeri.
Më tej ai shton se Pavlini jetonte mes Dukagjinit dhe fshatit Guci dhe se merrej me bagëti dhe tokat së bashku me vëllanë dhe babanë e tij.
Xhaxhi: E kam nip, djali i vëllait, lajmin e kam marrë vesh para 20 minutash, nuk kishte asnjë problem, ai ka jetu me babën dhe vëllanë në Dukagjin shumicën e kohës, është ul ka parë nga shtëpia çfarë bëhet, ky jeton nga 15 vite herë në Dukagjin herë këtu. Në Dukagjin ka bagëti, punon tokë. Jo ça problematik, s është bërë as për mirë, as për keq, dy fëmijë të vegjël ka i ati, diçka (jeta ekonomike), me probleme, me halle si të gjithë. E di vetë policia, s’ka nevojë të bëj apel.