TIRANË– Mëngjesin e sotëm Kryeministri Edi Rama gjatë komunikimit me qytetarët virtualisht në Facebook, nga rubrika “SY m’SY” ka deklaruar se nuk do të japë dorëheqjen pas arrestimit të kryebashkiakut të Tiranës, Erion Veliaj, duke u shprehur se “duhet ta harroni”.
Ndër të tjera Rama u shpreh se “për të më larguar mua nga politika ka dy rrugë, ose më largon zemra nëse nuk më rreh mjaftueshëm dhe aty them stop, ose më largon populli i Shqipërisë”.
“Dorëheqjen duhet ta harrosh ti bashkë me gjithë të tjerët, për të më larguar mua nga politika ka dy rrugë, ose më largon zemra nëse nuk më rreh mjaftueshëm dhe aty them stop, ose më largon populli i Shqipërisë. Më 11 Maj jam kurioz do të votojë ata që janë jashtë sepse thuhet që i dëbova unë. Te shohin çfarë mendimi kanë ata, nëse votojnë masivisht për mua si dëbuesi i tyre, kur shifrat tregojnë që largimi është konstant, atëherë do të mbaj shënim. Nuk jam i kapur pas pushtetit, por pas punës.”-tha Rama./Radar.al