TIRANË– Drejtuesi politik i Partisë Demokratike për Tiranën, Belind Këlliçi, teksa ka folur për mediat pak përpara nisjes së protestës së PD është shprehur se Shqipëria është “plakur” edhe “mpakur”.
Ndër të tjera ai deklaron se ekonomia është në situatë tepër të rëndë.
“Qytetarët sot janë në shesh për aferat flagrante të qeverisë, vjedhjet 50 milionë euro me Tunelin e Llogarasë, është bërë vjedhje flagrante e vendit. Shqipëria përveç se është plakur, edhe është mpakur. Ekonomia e shqiptarëve është sot në ditën më të zezë. Çdo qytetar shqiptar duhet të vijë sot në protestë. Ne kemi premtuar pagë minimale 500 euro dhe mesatare 1200 euro. Nuk ka parti politike pa gabime, edhe PD mund të ketë gabuar, por nuk ka kryer këto vjedhje të mëdha flagrante që janë bërë në kohën e qeverisjes së PS-së.”-deklaroi Këlliçi./Radar.al