Balerini i njohur Ilir Shaqiri, në një intervistë në podkastin “Flasim” të kryeministrit Edi Rama, ka zbuluar detaje të pathëna më herët për vajzën e tij të vetme, Emily.
“Emily i ngjan babait, se çfarë i kemi lënë nënës nuk e di” u shpreh ai.
Ai rrëfeu se tashmë Emily është fejuar me një italian, teksa shtoi se “e kam shtrydhur pak nga ana psikologjike le të themi, që ta kuptoj”, por theksoi se ai është djalë i mirë.
Kryeministri Rama: Vajza juaj flet shqip?
Ilir Shaqiri: Flet gjysma gjysma, shumë pak. E fliste shumë mirë kur ishte babi në Romë dhe filloi “si je , si shkon, gusha, qafa, syri”. Por shkëputja pastaj dhe qëndresa me një baba shqiptar dhe nënë italiane në Itali, ndoshta shumë shqiptarë nuk e kuptojnë këtë gjë, por ata që jetojnë jashtë.
Kryeministri Rama: Po ajo vjen në Shqipëri?
Ilir Shaqiri: Po vjen dhe me shumë kënaqësi. Tani edhe na është fejuar
Kryeministri Rama: Me italian?
Ilir Shaqiri: Po me italian, është influencer, shumë djalë i mirë. E kam shtrydhur pak nga ana psikologjike le të themi, që të kuptoj.
Kryeministri Rama: Ti baba shqiptar. Po Emily i pëlqen Shqipëria?
Ilir Shaqiri: Ai nuk e ka parë, kurse Emily vdes.
Kryeministri Rama: Me gjyshërit e ruan raportin?
Ilir Shaqiri: Po e ruan. Emily i ngjan babait, se çfarë i kemi lënë nënës nuk e di
Në moshën 35 vjeç tregon se u shkëput nga baleti dhe tani është koreograf, manaxher, krijues.
“Nga kjo u mbusha”.
Si e ndan jetën mes Italisë e Shqipërisë?
Nuk jam shkëputur shumë nga Shqipëria, vetëm 1993- 2003 ku flisja përmes skedës telefonike. Më pas i tërhoqa në Itali dhe ndihesha i mbushur. Nga 2004 – 2005 fillova të kthehesha sytë drejt Shqipërisë. Tani ndihem i plotësuar. Punoj atje, punoj këtu.
U bënë 30 vite ping pong nga veriu në jug në Itali. E kam vizituar me pëllëmbë. Tani jashtë shtetit ndihem këtu ku dinamikat janë jashtëzakonisht të shpejta.
Prindërit pasi qëndruan një periudhë në Itali u rikthyen në Shqipëri. Unë shoqëri kam këtu por jo ajo e dikurshmja.
Thotë se Italia nuk është më ajo e viteve të para
“Dinamikat andej janë ngadalësuar. Ky fenomen vijoi pas viteve 2010. Vetë kam bërë punë dhe më pas producentët thonin s’kemi lekë. Kanë ngelur pa paguar balerinë, koreografë. Lodhje. Mbyllen kompanitë e kërcimit e aktrimit. Atje trenat ecin me shpejtësi të lartë por njerëzit me një ritëm të ngadaltë.