Në gjyqin për shpifje ndaj kreut të grupit parlamentar të PD, Gazment Bardhit, Gjykata Kundër Korrupsionit dhe Krimit të Organizuar ka vendosur të riçelë hetimin me kërkesë të Edmond Sulajt, ish drejtor i Policisë Shkodër.
Sot, 30 janar, GJKKO i kërkon Prokurorisë së Posaçme SPAK dokumente dhe informacione nëse dokumenti i lexuar nga Gazment Bardhi në Kuvend është pjesë e dosjes ‘Metamorfoza’.
Kujtojmë këtu që Bardhi tha në një seancë plenare në Kuvend se Edmond Sulaj u zgjodh drejtor policie me ndikim të Pëllumb Gjokës.
Në përfundim, gjykata vendosi të pranojë kërkesën e Edmond Sulajt, të rihapë hetimin gjyqësor dhe t’i drejtohet me kërkesë SPAK-ut për të vënë në dispozicion, pa cenuar hetimet, informacionin nëse dokumenti i lexuar nga zoti Bardhi është pjesë e fashikullit gjyqësor të dosjes “Metamorfoza”.
Avokati i Bardhit, Ledjo Braho, deklaron: “Ato dokumente, para se t’i kishte Gazmend Bardhi, i kanë pasur mediat.”
Sakaq, avokati i Edmond Sulajt kërkoi rihapjen e hetimit gjyqësor, pasi sipas tij, avokatët e Gazmend Bardhit kanë pretenduar se disponojnë dokumente zyrtare dhe akte, të cilat në fakt nuk i kanë në dispozicion.
Avokati thekson se gjykata duhet t’i sigurojë dhe t’i verifikojë ato për të përcaktuar nëse Mondi është i njëjti person që ata pretendojnë.
Seanca u shty për më datë 14 shkurt, ora 09:00.
“U emërua nga bandat”/ Dështon përballja mes Bardhit dhe Sulajt. Zbulohet arsyeja
Kujtojmë se eksperti i Kriminalistikës, Ervin Karamuço ka deklaruar se kreu i policisë së Shkodrës, Edmond Sulaj që u përmend në Parlament nga Gazment Bardhi si emër në përgjimet SKY ECC, është kërcënuar nga bandat por nuk ka pranuar asnjëherë ta bëjë publik si fakt.
‘U emërua nga krimi’/Bardhi publikoi bisedat në SkyECC, drejtori i Policisë Shkodër: Do të padis