Burimet bëjnë me dije se kryeministri Edi Rama sapo ka përfunduar takimet me drejtuesit politikë.
Takimet nisën ditën e sotme në orën 10:00 dhe janë mbyllur në orën 18:00, periudhë gjatë të cilës, secili nga drejtuesit politik i ka dorëzuar kreut të qeverisë emrat e kandidatëve për deputetë.
Gjithsej thuhet se Rama ka në dorë 186 emra kandidatësh për deputetë për zgjedhjet parlamentare të 11 majit.
Vendimi për to pritet të vuloset më 12 mars, kur dhe do të zhvillohet mbledhje e kryesisë së Partisë Socialiste.