SHBA-Enisa Nikaj, këngëtarja me origjinë shqiptare që jeton dhe punon në Shtetet e Bashkuara të Amerikës ka ndezur debat të nxehtë në rrjetet sociale. Artistja 30-vjeçare ka shkruar krahas fotos së saj në 30-vjetorin e lindjes: 30 vjeçe dhe ende e virgjër.
Ajo shkruan se ka qenë beqare dhe e virgjër për tre dekada, por në të njëjtën kohë ka arritur shumë gjëra në jetë: ka punën e ëndrrave, një familje mbështetëse, miq të mirë, qetësi mendore dhe këtë vit do të publikojë edhe albumin e saj të parë.
Jeta e një personi nuk matet vetëm nga marrëdhëniet romantike apo përvoja seksuale, por kjo deklaratë ka bërë që rrjeti të shpërthente në komente.
Disa e përgëzuan për sinqeritetin dhe e panë si një shembull force personale ndërsa të tjerë e panë si diçka të çuditshme për një person në moshën 30 vjeç./Radar.al