Detaje të reja dalin në dritë nga aksidenti tragjik që ka ndodhur mbrëmjen e së dielës në aksin Delvinë-Sarandë, në vendin e quajtur “Pularia”. Policia njofton se aksidenti ndodhi rreth orës 20:15, kur automjeti tip “Audi” i drejtuar nga 23-vjeçari K. N. u përplas me një automjet tip “Lancia”, në të cilin udhëtonin tre vajza.
Si pasojë e përplasjes, drejtuesja e automjetit “Lancia”, shtetasja E. Dh., 22 vjeçe, dhe pasagjerja R. Dh., 20 vjeçe, (motra e saj) humbën jetën në vend. Një pasagjere tjetër, shtetasja A. Zh., 24 vjeçe, ndodhet e plagosur dhe po merr kujdes mjekësor në spitalin e Sarandës.
TGrupi hetimor ndodhet në vendngjarje dhe po kryen veprimet për zbardhjen e plotë të rrethanave të aksidentit.