Sekretari i përgjithshëm i Partisë së Lirisë, Tedi Blushi, ditën e sotme zhvilloi një takim me Shtabin Drejtues të Njësisë nr. 5 në Tiranë, ku u shpreh se PL ka nisur takimet derë më derë, për të ndezur motorët për “fitoren e padiskutuar të opozitës në 2025”.
Blushi, gjatq fjalës së tij u shpreh se Partia e Lirisë është sot në gjendje të jashtëzakonshme dhe “në një gjendje lufte me Narkoregjimin”.
Sipas tij, arrestim i Metës nuk ka patur për qëllim thjesht izolimin e tij, “por synon rrëmbimin mafioz të Partisë së Lirisë”.
“Rrëmbimi terrorist i Presidentit të Partisë së Lirisë, Ilir Meta nuk ka patur për qëllim thjesht izolimin e tij por synon rrëmbimin mafioz të Partisë së Lirisë, një përpjekje që do të përfundojnë në koshin e plehrave sepse Partia e Lirisë është partia e patriotëve dhe nuk do të jetë kurrë Partia e Tradhtisë”, tha ai.
Më tej Blushi kërkoi përshkallëzim qytetar dhe opozitar në terren, ndërsa tha: “Qindra mijëra anëtarë të kësaj force politike janë gati të paguajnë çdo çmim dhe të mbrojnë edhe me gjakun e tyre këtë forcë patriotike, e cila sot i prin betejës Kombëtare për çlirimin e vendit nga Narkoregjimi”.
LEXO EDHE:
“Vijat e kuqe janë kaluar”/ Tedi Blushi përshëndet Ilir Metën: Presidenti i PL-së po na ndjek